Беларускія музыканты ўпершыню прымаюць удзел у фестывалі славянскай культуры ў Краснадарскім краі

Беларускія музыканты ўпершыню прымаюць удзел у фестывалі славянскай культуры “Славянск-2007″, які адкрыўся сёння ў Краснадарскім краі, паведамілі карэспандэнту БЕЛТА у пасольстве Беларусі ў Расіі.

Фестываль, чацвёрты па ліку, праходзіць у горадзе, у якога самая падыходзячая назва для такога агляду, - Славянск. Сюды з’ехаліся творчыя калектывы з Украіны, Беларусі, Сербіі, а таксама з многіх гарадоў Расіі. Усе яны да фестывалю падрыхтавалі спецыяльныя праграмы. Напрыклад, беларускі ансамбль “Случанскія святкі” ўключыў у свой рэпертуар народныя казацкія песні.

Фестываль славянскай культуры прадоўжыцца да 12 жніўня. Акрамя выступленняў на розных канцэртных пляцоўках, яго ўдзельнікі прадставяць народныя рамёствы, правядуць конкурс нацыянальных касцюмаў.