“Белавія” павялічвае колькасць рэйсаў у Грузію да трох разоў у тыдзень

Нацыянальная авіякампанія “Белавія” павялічвае колькасць рэйсаў у Грузію, паведамілі карэспандэнту БЕЛТА у авіякампаніі.
Паводле слоў спецыялістаў, з 26 жніўня па 22 кастрычніка “Белавія” ўводзіць дадатковую частату на рэйсах Мінск - Тбілісі - Мінск. Колькасць рэйсаў паміж дзвюма сталіцамі вырасце да трох разоў у тыдзень. Дадатковы рэйс будзе выконвацца на сучасным самалёце CRJ-100.

Па серадах вылет з Мінска будзе арганізаваны ў 22.45 з прыбыццём у Тбілісі на наступныя суткі ў 02.50. Вылет з Тбілісі будзе праходзіць па чацвяргах у 03.50 з прызямленнем у Мінску ў 06.05. Час паведамляецца мясцовы.

Па суботах вылет з Мінска будзе арганізаваны ў 22.45 з прыбыццём у Тбілісі на наступныя суткі ў 02.40. Палёт назад будзе праходзіць па нядзелях з вылетам з Тбілісі ў 04.10 і прыбыццём у Мінск ў 06.05.

Акрамя таго дадатковы рэйс будзе арганізаваны па нядзелях з вылетам з Мінска ў 22.45 і прыбыццём у Тбілісі на наступныя суткі ў 02.40. Палёт назад будзе праходзіць па панядзелках з вылетам з Тбілісі ў 04.10 і прыбыццём у Мінск у 05.50.